Become the owned

Main banda-e-aasi hun – Khatakaar hun Maula
Lekin teri Rahmat ka – Talabgaar hun Maula

Wabasta hai ummeed meri – Teray Karam say
Tera hun faqat tera – Parastaar hun Maula

Ek tera ishara ho – Aur asaan ho Manzil
Ek lehar uthay aur – Us paar hun Maula

Jin say main guzar jaon – Wo dar khol dey mujh mein
Khud apnay hi rastay ki – Main deewar hun Maula

Baahir kay ujalay mujhe – Kya rah sujhayen
Andar kay andheron mein – Giraftaar hun Maula

Phir Tu meray emaan ko – Tawanai ata kar
Barson nahi sadiyon say – Beemar hun Maula

Podcast: Play in new window | Download (Duration: 16:57 — 11.7MB) | Embed

Subscribe: Apple Podcasts | Spotify | Android | Email | Youtube Music | RSS